[ALEKSO]

Edmund Gunther
MIT AH FUSS IN HIMML
SchwankMr hatte mol frihr `n Paatr in Dorf. `s war `n rechtr Geizhals. De war gscheit wie dr Teiwl! ?s Geld wann `r gsie hot, do hun `n die Aache wie dr Katz in dr Nacht gfunkt. Un was is, mu? mr saa, sou `n manche hot `r `s letzte Kopie rauspresst.
Na, war ahmol war `n Fall, do hot `r sei rechtr Mann gfunne.
Des Ding is sou vourgange. A paar Tach nouch dem, wie dr Schreinr-Philipp gstorwe war, kamt sei Sou Jaschke beim Paatr un saat:
„Herr Paatr, ich waas gut, dass mei Vattr `n grou?r Sindr war, net an Gott gklaabt hot un deswejche is `r wie `n Hund beerdicht wore. Ich hun dou a wenk Geld gsammlt un will eich bitte, vor mei Vattr a heiliche Mess abhalle. Vleicht kommt `r doch sou nouch un nouch in Himml!?“
„Des hoste gut gmacht, Jaschke“, saat dr Paatr, „die Vattr war werklich `n Sindr, sou wie mra wejnich uf dr Welt hot! De war `N Dieb, hot die anre Weibsleit gliebt, hot wie `n Derk gflucht und Schnaps gsoffe wie a Kamel.“
„Des waas ich alls“, hot de Jaschke gantwort un schun dr Geldsack rausgzouge. Un wie dr Paatr `s Geld gsie hot, is `r noch archr ins Zeich komme:
„Ja, ich hun schun vor die Vattr sechs Vatrunsr gbet“, saat `r. „Ich wu?t, dass du mrsch gut bzahlst, un ich kann dr iwrzeicht saaae, die Vattr steht schun mit ah Fu? in Himml!“
Un do hatt dr Paatr noch net erdlich die Worte ausgsproche, wie dr Jaschke saat:
„Was here ich dou, Herr Paatr, mei Vattr steht schun mit ah Fu? in Himmel? Na, dou is `s jou a anre Frouch! Mei Vattr kenn ich gut, wann de amol mit ah Baah in dr Schenkstub gstanne hot, dou hot `n die ganze Gmaah un sogar dr Teiwl net rauskriet! Un wann de mol mit ah Baah in Himml steht, dou bin ich mr sichr, de schafft sich ganz nei, dou brauch ich unnedich kaa Geld in Dreck schmeise!“
Un dr listische Jaschke hot sich scharf uf dr Weech gmacht. Ja, un dr Paatr hot noch lang sei Voreil vrflucht...
Aus „Hand in Hand“, Moskau 1960