[gainst]

Wat in de Schriwwt woll schrewen stunn.
›Min leiw Herr Paster, nemen S’ nich vor awel,
Dat is man, dat ick dornah frag’,
Wat heww’n Sei in de Schriwwt dor schrewen?‹
›Mein lieber Schulze, nichts, gar nichts; ich trag’
Das Datum mir ein bi?chen ein,
An welchem Sie den Kuchen mir gegeben.
Es wurde sonst vergessen sein,
Und ist nur um die Obserwanz.
Ihr konnt es selber lesen, seht, hier steht’s:
Die Bauern waren heute hier und brachten
Mir wieder einen Kuchen zu Weihnachten.‹
›Hm!‹ brummte de Oll un kratzt sick in den Daz
Un grint den Preister as en Pingsto? an,
›Min leiw Herr Paster, oh, denn schriwen S’ man
Dor achter Ehren Satz noch dit:
Die Bauern brachten ihn mir woll,
Doch nahmen sie ihn wieder mit. –
Un nu adjus, Herr Paster‹, seggt de Oll.
Un packt den Kauken in. – ›Holt!‹ roppt de Preister, ›sacht!
Wat heit denn dat? Wo so? Wo ans?‹
›Ih, Herr‹, seggt unse Oll un lacht,
›Dat is man um de Obserwanz!‹«
Fritz Reuter, 1853