[gainst]

Ons plautdietscha Krouftfohra word ne Englaund jeschetjt met sien BMW. Ferhea word ahm jefroacht, aus heu Ehglisch festond ? Ne – meund heu – uba doa sah heu tjeun Problem. Heu we je en Plautdietscha, en Englische Sproak kaum doch mull von Plautdietsch.
Joa, - etj schmusta mie ok enne Fust nena, uba jeft tou, daut fehle Englische en Plautdietsche wehd send jeletj.
Kaut, Klock, School.
Franzosische – Fletzepej, plescheuj (fejeneje), Schermei(Domm)
Ukrajnischet – Jebitsnichaj (etj docht von aunfang daut we en schlachtet Woot, uba aus etj daut dann ewasad , heut daut „ Deu jachte sech, es mie doch endount“ Pluschki, Werenitjis.
Etj wud miene Sproak uk goanich feastahle ohne Wehd –Rukomojnik, Tebretjtje, Helat, Tschemedoun, Heloj. Uba ok vehl Plaudietsche Wehd send em Houchdietsch ewagoune – goune, rahne, rehde, hopse.
Onse Sproak es houh kulturel. Wie habe ewerhaubt tjeune Flochtwehd, hie dentj etj haft de Breuda Jemeinde metjeholpe. Fe dehn we segoa dit Woot „Ewarosch“ nech venenftech jesacht, wiels en dessem Woot we dit Woot *„Osch“ benne.
De Wehd „Eus““ Pezeloj“(ko?e – von rosch), Schok – schwewel, Jeborstach noche moll, dit’s ne Eis. Sou sehde se ,wann se ontefrehd wehre.
Ennses Jehdt, ut Orenburch, sehd mul te mie : Heu tjand dreu Sorte Mensche;Plautdietsche, Huhdietsche, en Rontdietsche, te de latzte jehed heu ( te de molje)
O,docht etj, onse Sproak stoaft nich sou schwend ut.
Deu Mensche waut tjenne ewa sich noch lahe, es en jesondet Voltj. Wou vehl Fantasie lecht en dissim utdretj: „ Emma, heutst du noch emma Emma“,
„ Ne Pankouk met Beun“, oda „Ne Oschback – aus eun Tjarpskurn“.
En soune Wehd, aus „Flatjfeuba“, „Hestakop scheute“, „Aufjebrecht“ goune goanich te ewasahte enne aundre Sproak.
Nehm wie mull daut eune Woot priejele jeht veschieden te saje; Dit Lada striemje , dit Lada stretje, veheiwe, veflaume, schloune, kloppe, vedrasche, enhenje, enschape, vesebele, schmeare, vesoule, vewaultje, veresse, verebousele, veknake, utaste, vetusele, eint plinze, te schnuwtje riewe, vejope, vedonnere, schwehle, schwaupse, enjefajat, knofe, vedoje, vesomme, vejamse, woat de Stock daunze, knaule, poa blitze, vetjiele, en eulje.( Ol), plinze, vesomme, steute, enschmatere, Kopp veneide, bomse, vedewere, vedeiwele, vediewele, vewaumse, derchwetjze, ennwattere, ennhenje, *drusche, *hosche, kefoje, dit Lada optretze, dit Lada ensolte, optohlre ( Tohta), von die ne Ketlet moake, waut feujakauntech woascht goune, *feladere, de Blaue Placke(oda de Reume) hiele op die, die jetjt aul daut Hinjarenj, de Stock bangt sich aul ne die.
Wea sacht nu dit, waut onse Sproak oam es.
Dann jerebild noch jieda Darp waut doa tou, tim biespell Flezepeu wort en veschiedene Stade aundasch jenant;